ప్రపంచము లో కొన్ని విషయాలే మనకు తెలుసు . తెలియనివి ఇంకా ఎన్నో మిగిలే ఉంటాయి. ఆ విషయం తెలుసుకున్న తర్వాత ఇంతేనా? అని అనిపిస్తుంది. ప్రతివ్యక్తికి అన్నివిషయాలు తెలియాలని ఏమీలేదు . తెలియవుకూడా. ఇప్పుడు ఈ క్రింది విషయం చదవండి మీకు తెలుసునేమో?...
అధిక బరువుతో బాధపడుతున్నవాళ్లు చక్కగా నాజూగ్గా తయారవ్వాలని ఆశపడుతుంటారు. కానీ జిమ్‌కు వెళ్లాలంటే మాత్రం వెనకాడుతుంటారు. ఎందుకంటే అందరూ చేసే వర్కవుట్లు తాము చేయగలమో లేదోననే సంశయం వాళ్లను వెంటాడుతుంది. అమెరికాలోని 'డౌన్‌సైజ్‌' జిమ్‌ యజమాని ఫ్రాన్సిస్‌ ఈ ఇబ్బందిని గుర్తించాడు. అందుకే ఉండాల్సిన బరువుకంటే ఓ పాతిక కేజీలు ఎక్కువ ఉన్నవారికి మాత్రమే తన జిమ్‌లో ప్రవేశం కల్పించాడు. దాంతో వూబకాయులంతా హుషారుగా వ్యాయామాలు చేసుకోడానికి ఆ జిమ్‌కే వెళుతున్నారట. పనిలోపనిగా మరో రెండుమూడు చోట్లా బ్రాంచ్‌లు ప్రారంభించాడు ఫ్రాన్సిస్‌. ఇతడూ ఒకప్పుడు అధిక బరువుతో బాధపడ్డవాడే. అందుకే స్వీయ అనుభవాలను వ్యాపారానికి జోడించిమరీ ముందుకు దూసుకుపోతున్నాడు.
visit my website - >
Dr.Seshagirirao.com
No comments:
Post a Comment